مع التقدم المستمر في التحول الرقمي في مصر أصبحت عملية الحصول على المستندات الحكومية أسهل من أي وقت مضى، وخصوصًا عند الحديث عن وثيقة مهمة زي شهادة الميلاد فبدلا من الوقوف في طوابير طويلة أو التوجه لمكاتب الأحوال المدنية، وفرت الدولة للمواطنين وسيلة حديثة وآمنة لاستخراج شهادة الميلاد من خلال بوابة مصر الرقمية الإلكترونية، وهي منصة شاملة تقدم عشرات الخدمات الحكومية بضغطة زر الهدف من هذا التطوير مش بس تسهيل الإجراءات، لكنه كمان بيقلل من التزاحم داخل المؤسسات الحكومية، ويوفر وقت وجهد المواطنين بشكل كبير لو بتفكر تطلع شهادة ميلاد في سنة 2025، فالموضوع بقى أسهل من أي وقت فات، وهنوضحلك كل التفاصيل في السطور الجاية.
خطوات استخراج شهادة الميلاد أونلاين 2025
لتحصل على شهادة ميلادك أو شهادة ميلاد أحد أفراد أسرتك، كل ما عليك هو تنفيذ الخطوات التالية على بوابة مصر الرقمية:
- افتح متصفح الإنترنت واكتب في شريط البحث بوابة مصر الرقمية أو ادخل مباشرة على الرابط الرسمي للمنصة.
- لو كنت مستخدم جديد هتحتاج تسجل حساب باستخدام بياناتك مثل الرقم القومي ورقم المصنع الموجود على بطاقتك ورقم الهاتف المحمول لو معاك حساب بالفعل سجل دخولك باستخدام الرقم القومي وكلمة المرور.
- من الصفحة الرئيسية اتجه إلى خدمات الأحوال المدنية ثم اختار استخراج شهادة ميلاد مميكنة.
- هتلاقي نموذج بيطلب منك إدخال بيانات الشخص المطلوب إصدار الشهادة له زي الاسم الرباعي وتاريخ الميلاد والرقم القومي لو متاح بيانات الأب والأم والعنوان الكامل ورقم الهاتف للتواصل.
- حدد عدد النسخ اللي محتاجها واختر إذا كنت عايز توصيل بالبريد للعنوان اللي سجلته ولا هتستلمها من أقرب مكتب بريد.
- استخدم أي وسيلة دفع إلكترونية متاحة ليك سواء كانت بطاقة فيزا أو ميزة أو محفظة إلكترونية رسوم استخراج شهادة الميلاد مش مرتفعة وبتشمل التوصيل كمان لو اخترت الاستلام من المنزل.
- بعد مراجعة البيانات والتأكد إنها صحيحة اضغط على زر إرسال الطلب وهتوصلك رسالة على الموبايل بتأكيد الطلب خلال أيام قليلة هتوصلك الشهادة لحد باب بيتك أو من خلال البريد حسب اختيارك.
شروط هامة قبل التقديم على شهادة الميلاد أونلاين
علشان تتجنب أي مشكلة أثناء تقديم الطلب، تأكد من الآتي:
- بطاقتك الشخصية تكون سارية المفعول لإن بياناتها بتستخدم في التحقق من هويتك.
- وسيلة دفع إلكترونية جاهزة لتتمكن من سداد الرسوم.
- البيانات اللي بتدخلها لازم تكون دقيقة جدا سواء في الاسم أو تاريخ الميلاد أو عنوان التوصيل.
في حالة استخراج شهادة ميلاد لطفل تأكد من تسجيله رسميا في السجلات المدنية أولا.